Christer Kiselman

Bonvenon al mia hejmpaĝo!

Kiel atingi min
Christer Kiselman
Poŝtkesto 480
SE-751 06 Uppsala, Svedio
Retadreso: kiselman@math.uu.se; private christer@kiselman.eu
Telefono: +46 18 4713216 (al la universitato); +46 18 300708 (hejmen); +46 708 870708 (al mia portebla telefono).
Faksilo al la universitato: +46 18 4713201.

• Mi estas emerita profesoro pri matematiko. Vi povas renkonti min ĉe la Upsala Universitato, Svedio, pli precize en ties Matematika instituto, kiu troviĝas en la Ångström-laboratorio sur Polacksbacken, du kilometrojn sude de la centro de Upsalo. Mia oficejo havas la numeron 5419 (domo 5, nivelo 4, ĉambro 5419).
• Mi estas membro de la Akademio de Esperanto. Mi estis elektita en 1989 kaj la 1-an de marto 1998 estis reelektita por dua naŭjara periodo, 1998—2007. La 19-an de aprilo 2007 mi estis reelektita por tria periodo, 2007—2016. Dum la periodo 1998—2005-01-03 mi estis unu el la du vicprezidantoj. En la akademio mi estas membro de la Sekcioj pri Gramatiko, pri la Ĝenerala vortaro kaj pri Prononco.
• Biografia notico (4-paĝa). Mallonga biografia notico kun listo de verkoj pri lingvoj (7-paĝa). Mallonga memprezento (2-paĝa).
• Bibliografio   |   Esplorinteresoj.
• Nunaj kaj antaŭaj doktoraj studentoj   |   Instruado.
• Komisioj aktualaj
  • De la Upsala Universitato:
    • Mi estas asista konsilanto de du doktoriĝantoj (el kiuj mi en la realeco estas la ĉefa konsilanto de unu).
    • Mi membras en la referenca grupo por la matematiko ĉe ISP, La Internacia Scienca Programo. La grupo kunsidis en Kenio (2003), Senegalio (2005), Kameruno (2006), Benino (2007), Etiopio (2007) kaj Svedio (2008).
  • De la Stokholma Universitato:
    • Mi estas asista konsilanto de unu doktoriĝanto; en realeco ŝia ĉefa konsilanto.
  • De la Växjö-a universitato (La estraro de la Fakultato pri matematiko, natursciencoj kaj tekniko):
    • Adjunkta membro de la referenca grupo (gvida grupo) por la Doktora lernejo pri Matematiko kaj modeligo.
  • De la Mid-Svedia Universitato (Sundsvall):
    • Dua konsilanto de Abtin Daghighi.
  • De Esperantic Studies Foundation:
    • Membro de komisiono por prijuĝi proponojn pri subvencioj el la CED-fonduso rilate al esplora agado pri esperanto kaj interlingvistiko (2006-12-30—nuno).
• Antaŭaj komisioj:
  • De la registaro de Svedio:
    • Mi membris en la Matematika delegacio (2003-03-11—2004-09-27).
  • De Upsala universitato:
    • Mi estis la direktoro de la Doktora lernejo pri matematiko kaj kalkulado du iom pli ol kvin jaroj (2001-02-01—2006-04-30).
    • Mi membris en la komitato por la Centro por bilda analizo ĝis 2006-12-31.
  • De la Sveda Nacia Agentejo por Supera Edukado (La Sekcio pri Evaluado):
    • Eksperto por la juĝado de petskribo por la organizado de magistra edukado.
  • De la Reĝa Sveda Akademio de Sciencoj:
    • Mi membris dum la jaroj 2006–2008 en la premiokomitato por la Ingvar-Lindqvist-premio de la akademio. La ricevinto de la premio por la jaro 2006 estis Stavros Louca en la Lernejo de Rinkeby. La ricevonto por 2007 estas Bengt Edvinsson en la lernejo Fredriksdalsskolan, Lidköping. La premio por 2007 estis transdonita 2007-03-31. Por la premio de 2008 alvenis 82 proponoj, el kiuj 62 pri matematiko. La premio estis transdonita 2008-03-31 al Kristina Strömbäck kaj Ann-Charlotte Wallgren, Ärvingeskolan, Stokholmo.
  • De Universala Esperanto-Asocio (UEA):
    • Mi estis la Sekretario de la Komisiono pri la Internacia Kongresa Universitato (IKU) Vilno 2005, Florenco 2006, Jokohamo 2007.
  • De la Nacia Centro por Matematika Edukado (NCM) en Gotenburgo:
    • Mi laboris kune kun i.a. Lars Mouwitz pri la libroprojekto Matematikaj terminoj por la lernejo dum la jaroj 2001—2008.
  • De la Pohanga Universitato de Scienco kaj Teknologio, POSTECH:
    • Konsilanto de Byunghyun Oh, kiu verkis magistran disertaĵon.